夏麵館 (新都城中心二期)

营业中

休息中

朋友好喜欢食蟹，佢一人嚟过夏面馆几次，都系为咗食呢度的蟹粉系列菜式，但一直都试唔到其中一款，因为实在大多蟹粉，一食的话就太疯狂，所以今晚揾埋我。店舖环境优雅得体，地方好宽敞，有多张四人枱，最钟意系有啲高背及阔落的卡座，坐得好舒服。可剔餐纸或QR code下单，有多款特选套餐和单点，包括凉菜、汤羹、小菜、饭、面、甜品、点心等。朋友一直想食系哆唻咪（$118/半份）。哗！满满的蟹粉浸着鲜黄色的蟹油中，仲见到唔少蟹黄和爽口的河虾，好难抗拒呀！的确要两个人食。餐单写住建议配馒头食，但我地就要了蒸银丝卷（$28/份）。将蟹粉放在软熟的蒸银丝卷上，咬一啖就全口充满蟹油香，啖啖蟹肉，甘香鲜美留在口中。仲要了两款三份凉菜，有夏味熏蛋（$14/1只），虽然流心状不明显，只是稍稍流心，但呈蛋黄充满蛋香，仲黏滑，好食！夏伯伯凉拌茄子（$36）每条都好工整，加咗酱膏，咸咸地又甜甜地，爽嫩入味，有风味！热爆熏鱼（$65）睇佢碟细细，但原来都有唔少件。件件都炸到金黄，香脆可口，唔会熏到硬屈屈，但食𠮶时就要再点啲酱汁，更有味道。