貓之眼

营业中

休息中

夜晚妈咪话唔想煮饭，叫我买两个饭盒返去屋企食。 我就嚟到位于湾仔嘅cats eye买咗两个饭盒。 我点咗两个蛋包饭， 一个配浓茄牛肉同忌廉鸡肉 ，另一个配浓汁牛肉同埋咖哩猪肉。 浓茄牛肉食落个味道有少少似罗宋汤牛肉粒炆得非常之琳同入味。 忌廉鸡肉里面有啲西兰花同萝卜 ，相对就比较普通。 浓汁牛肉系切咗做薄片嘅牛肉， 筋比较多，唔系好咬得开。 咖哩猪肉系经典嘅日式甜咖哩， 味道都唔错。 蛋包饭嘅蛋非常之滑， 散发出阵阵蛋香味。 蛋包饭嘅味道系唔错嘅 ，但系埋单要成180蚊， 同区嚟讲，系一个性价比偏低嘅蛋包饭， 呢个价钱可以食到更好嘅蛋包饭。