影片
更多
2024-02-27
571 浏览
见到好多Foodie推介呢间韩式餐厅，就一于去打卡试下铺头距离巴士站同地铁站唔算好远，都容易揾到，行5-10分钟左右就到~6pm未够就见到店内差唔多坐满晒人，好好彩唔使等位可以直入。坐低无耐，门口就开始排长龙。店内装修都好有韩国旧式餐馆味道，装修简单但都算几有风味~Menu只有好少选择: 刀削面、饺子、煎饼同饮品 (好适合我呢种选择困难人士)不过𠮶日煎饼已经sold out，所以同朋友净系叫咗刀削面同饺子。叫咗个双拼饺子(猪肉+泡菜 各2只)。饺子大大粒，非满饱满。饺子皮好黏同偏厚嘅。猪肉饺子食落去都有肉香味，入面有少少菜mix埋又唔会好腻。泡菜偏辣，但味道唔算好突出，正正常常。个人觉得猪肉好食过泡菜嘅嚟到今日主角: 刀削面~~我同朋友叫咗1碗花蛤刀削面同一碗牛骨汤刀削面。花蛤刀削面: 目测都有十几只花蛤，个面都好大个。汤底几鲜美，有花蛤𠮶种海鲜味，少少咸香味，都唔错嘅~花蛤偏细，食落冇沙，每只都有肉，唔会得返个壳。牛骨汤刀削面: 有几块薄切嘅牛肉片，个面都一样好大个。汤底有阵阵牛骨味，汤底比花蛤𠮶款较浓，但唔会太咸，几好饮。牛肉少少嚡，冇咩肉味，不过不失。呢到系自助落单，因为唔多选择
铺头距离巴士站同地铁站唔算好远，都容易揾到，行5-10分钟左右就到~
6pm未够就见到店内差唔多坐满晒人，好好彩唔使等位可以直入。坐低无耐，门口就开始排长龙。
店内装修都好有韩国旧式餐馆味道，装修简单但都算几有风味~
Menu只有好少选择: 刀削面、饺子、煎饼同饮品 (好适合我呢种选择困难人士)
不过𠮶日煎饼已经sold out，所以同朋友净系叫咗刀削面同饺子。
叫咗个双拼饺子(猪肉+泡菜 各2只)。饺子大大粒，非满饱满。饺子皮好黏同偏厚嘅。猪肉饺子食落去都有肉香味，入面有少少菜mix埋又唔会好腻。泡菜偏辣，但味道唔算好突出，正正常常。个人觉得猪肉好食过泡菜嘅
双拼饺子
$58
40 浏览
0 赞好
0 留言
嚟到今日主角: 刀削面~~我同朋友叫咗1碗花蛤刀削面同一碗牛骨汤刀削面。
花蛤刀削面: 目测都有十几只花蛤，个面都好大个。汤底几鲜美，有花蛤𠮶种海鲜味，少少咸香味，都唔错嘅~花蛤偏细，食落冇沙，每只都有肉，唔会得返个壳。
牛骨汤刀削面: 有几块薄切嘅牛肉片，个面都一样好大个。汤底有阵阵牛骨味，汤底比花蛤𠮶款较浓，但唔会太咸，几好饮。牛肉少少嚡，冇咩肉味，不过不失。
呢到系自助落单，因为唔多选择，过程都算快。楼面得2个人，不过可能铺面较细，上菜都唔算慢，饺子仲好快就嚟到。味道环境都唔错，如果唔使排好耐队嘅话，都算系值得一试嘅韩式餐厅
张贴
