炙・宴 (形點 I)

营业中

休息中

因为疫情问题都不敢外出堂食，但星期日好唔想煮午饭，所以就叫外卖食，太耐无去过yoho而家多左好多野食，见到aburi-en门口好多人等外卖，仲有85折优惠我地就决定食呢间。睇佢地门面同里面都咁多猪仔就知佢地no.1系烧豚肉饭，餐牌上都有好多美食，除左豚肉佢地既宫崎和牛饭都好出名，另外仲有好多小食选择我地叫左宫崎和牛饭、豚肉饭、猪腩肉拉面，小食就叫左炸北海道八爪鱼、火炙牛吞、宫崎和牛炸薯饼，外卖都好快手，大概20分钟就有得拎。烧和牛饭好重牛味，牛油脂味好浓，好多汁，配上葱花一齐食就刚刚好，不会太油腻，而且有香菇配搭，味道一流。本身我不太好猪肉，但呢个豚肉饭值得一赞，肉质好嫩，咬落去好腍好多汁，唔会觉得好柴，而且系用炙烧食落去更加惹味。果然no.1另外叫左一个拉面，汤底好浓郁，拉面好弹牙，而且猪腩肉炆到好腍好入味。呢个小食我地返到屋企再用焗炉烤返脆同热，超好味另外牛舌系我必点美食之一，因为本人真系超钟意食，另外炸八爪鱼有惊喜，超弹牙，而且好大粒，好有口感！ 整体我们三个人食都好满意，而且份量刚刚好，希望下次可以堂食，堂食应该会更好味。