樂糖 (已結業)

之前睇过一篇文章介绍店主二人曾经系喺五星级酒店任职，所以大家可以以平民价食到酒店级水准，而且见到啲甜品嘅配搭好特别好有创意咁，令我已经bookmark左想有机会就去试下！友人睇完啲相好快就决定咗要嗌金薯紫梦，因为好靓☺结果真系冇令佢失望，同相睇嘅一模一样，望落去好grand✨个底系姜味啫喱，中间有蕃薯蓉，最上有小丸子蕃薯片同雪糕，仲有一小杯嘅姜汁另上，好似一碗蕃薯糖水西式化咁😝平时朱古力士多啤梨芒果多士盒就食得多，菠萝多士盒就真系第一次见！本身以为可能味道会好怪，点知有惊喜！首先个卖相已经好吸引，同埋冇估到系用新鲜菠萝唔系罐头𠮶种😋菠萝好juicy仲有烧过，多士盒入面非常细心已经切好一块块，每块都沾满蜜糖，而且仲有雪糕同cream夹埋一齐食，份量十足！味道有甜有酸非常fresh👍🏻下次经过都会再嚟试下其他咁有创意嘅甜品