滿漢小館

营业中

休息中

做咗第一个写呢间食评嘅人 😌小笼包，味道正常，包皮都唔易穿，几个𩠌最好食系呢个。酸辣汤$42，都够味，冇𡁻口，我觉得$42一碗，只够一人份量，就贵啲D，同埋冇酸辣汤面拣，净系做酸辣汤。韭黄银芽炒面$80，都好够镬气，正常味道，不过价钱都系偏贵，九龙城好多食肆都有得食，仲平D。樟茶鸭$168，我第一次食，老公喺其他地方食过好多次，佢话好好味，所以我都好期待呢个主菜 ⋯ 点知 🥺 你哋觉得呢？😅 先睇卖相已经大打折扣，色泽都唔吸引，我估系叫货翻热，唔系全部自己腌制，当时我立即上网search过都有袋装散卖，自己翻热就食得。讲返只鸭，有少量骨，碎湿湿嘅肉，而味道咸咸哋，冇乜好突出嘅味，干争争，有啲皮嘅位就有少少🤏咁多多脆，我好后悔叫咗呢个𩠌，因为我觉得唔好食，而老公都话食过咁多，最差系呢间。做小笼包呢类食肆，有茶提供系基本，但系佢冇，我哋问佢，佢话只要热水，仲 sale 雪柜有其他汽水~~ 大佬呀！ 都唔夹⋯ 门口贴纸话 「试业期间，免加一」，如果之后要加一，我就唔会再嚟，因为本身价钱都系偏贵，又冇茶提供，加埋一就有啲伏。