影片
更多
2017-05-16
2629 浏览
听「彩福皇宴」个名，你就知佢喺摆婚宴系嘅酒家，平时揾食多数喺我提议，今次就喺老婆同朋友嚟试过，话佢哋有一系列由香港旅发局所颁发嘅「美食之最大赏 - 至高荣誉金奖」点心， 觉得唔错而带我嚟吓。香港旅发局？信唔过啦，但老婆诚意拳拳，就梗喺嚟撑吓佢嘅提议啦。讲得喺专摆婚宴，整个场嘅装修就梗喺富丽堂皇啦，但又无话好俗套，加上高楼底，枱櫈嘅编排又唔会过于挤逼，感觉比好多中式酒楼好。枱上嘅枱号牌插住好多张点心纸，但两公婆唔食得几多，所以都喺集中睇其中两张就算。顺带一提，星期六、日茗茶每位收$13，小点、中点、大点、特点收费分别喺$18、$24、$29、$34，个别点心另标明唔同单价，而加一服务费就例收架啦。黑松露凤眼饺 $30虽然唔喺咩得奖之作，但做得不俗，皮薄透光，饺皮咬落黏糯唔黐牙，饺面一小撮黑松露酱，算落足料，内里嘅鲜虾又够爽甜。上文都讲过为咗个别得奖点心而专登走上嚟试试，佢哋晌香港旅发局所搞嘅美食之最大赏，4年嚟有7款点心攞奖，单睇配搭及卖相，喺颇有心思，我哋拣咗其中3款试试。芝心海皇千丝春卷 $33睇样就知喺心机菜啦，有别全统嘅春卷，外层非用春卷皮，而喺用上面条丝嚟包（我估咋），入口非常
讲得喺专摆婚宴，整个场嘅装修就梗喺富丽堂皇啦，但又无话好俗套，加上高楼底，枱櫈嘅编排又唔会过于挤逼，感觉比好多中式酒楼好。
枱上嘅枱号牌插住好多张点心纸，但两公婆唔食得几多，所以都喺集中睇其中两张就算。顺带一提，星期六、日茗茶每位收$13，小点、中点、大点、特点收费分别喺$18、$24、$29、$34，个别点心另标明唔同单价，而加一服务费就例收架啦。
黑松露凤眼饺 $30虽然唔喺咩得奖之作，但做得不俗，皮薄透光，饺皮咬落黏糯唔黐牙，饺面一小撮黑松露酱，算落足料，内里嘅鲜虾又够爽甜。
上文都讲过为咗个别得奖点心而专登走上嚟试试，佢哋晌香港旅发局所搞嘅美食之最大赏，4年嚟有7款点心攞奖，单睇配搭及卖相，喺颇有心思，我哋拣咗其中3款试试。
芝心海皇千丝春卷 $33睇样就知喺心机菜啦，有别全统嘅春卷，外层非用春卷皮，而喺用上面条丝嚟包（我估咋），入口非常脆卜卜，兼且无丝亳油腻；内有鲜虾粒、带子粒及菇菌，再夹入少许芝士，所以，味道多添几分香浓，一客6件，好抵食。
富贵海虾皇杂菌功夫肠 $45外型甚有炸两嘅感觉，加上摆埋只富贵虾（即喺濑尿虾）做衬托，真喺卖相有啲亮点。而肠粉皮内唔喺油炸鬼（初时我都以为喺），而喺春卷皮，食落确有几分似食炸两，肠粉皮拉得够薄够滑。咪以为濑尿虾净喺装饰，里面真喺以鲜拆嘅濑尿虾肉及杂菌嚟做，怪不得称佢为功夫肠。
真功夫潮州炸粉果 $30晌点心纸上，印咗「真功夫潮州蒸粉果」攞到2015年嘅至高荣誉金奖，予人感觉就流流哋，所以，试试同喺2015年攞奖嘅「炸粉果」。卖相喺花咗啲心思，扮到好似石榴鸡咁，但味道真喺麻麻，食炸粉果通常伴以上汤，而上汤喺另上，最大问题喺粉果极厚皮，入口只喺一团粉，馅料少，好睇唔好食嘅样板，咁都喺得奖，真喺令人满腹疑团。
蟹肉汤伊面 $42细细个𠮶时，成日听人讲去饮喜酒时，开席前啲人总会叫客蟹肉伊面打底，唔止从未见过，印象中，好似都未食过。依家出面食碗牛腩面都三、四十啦，咁不如试番碗。对比起几款得奖点心，碗伊面做得有啲迤，啲银芽飞晒出嚟，写明汤伊面，少汤到好似捞面。不过，还好嘅喺面条无过腍，兼份量十足，的而且确有唔少蟹肉，坚喺蟹肉，都几鲜。
因为一心一意嚟试啲得奖点心，其实，主点心纸有几款点心睇落仲好，例如海螺片滑鸡扎（大点）、紫薯蓉冬菇包（大点）、虫草花素粉果（中点）……等等。然而，环境好，招呼亦好，所以，同朋友上嚟饮餐茶，倾吓迤吓，绝对喺饮得过。
张贴
