浪人日本料理 (已結業)

初时见呢度同湾仔一间店同名, 所以嚟试吓! 不过呢度明显格局价格都唔同另一间, 所以唔系到底系咪同一集团. 迟咗BOOK位, 所以只能坐BAR枱, 呢度SET LUNCH 由$140-$380, 都有好多选择, 刺身, 炸物, 烧物, 锅物, 洋食任君选择, 我选择系杂锦刺身定食. 佢嘅定食有前菜带子裙边, 野菜沙律, 蒸蛋同味噌汤, 带子裙边爽口, 味道带点甜酸, 好开胃. 蒸蛋十分之香滑, 而味噌汤够浓又够热. 主菜系由厨师决定当日嘅新鲜刺身, 所以每样都令我好满意, 各鱼刺身肥美, 带子及虾刺身味鲜甜, 虾头亦有膏, 而且佢哋刺身够厚, 食落感觉更加肥美, 分量十分足够.