滿記甜品 (V Walk)

营业中

休息中

星期六约左朋友行下街食个晏，去左深水埗新商场V Walk行下，哩个商场几光猛，同埋几多餐厅选择，经过满记甜品，发觉唔系买平时啲甜品，听店员介绍，原来哩间系专食蛋嘅甜品，而且系企位，装修几特别! 有出面比较少有既酒酿甜品，份量又唔会太饱，一于叫碗桂花酒酿丸子试下，我地仲加$8要左只流心温泉蛋。 送上来时，已经闻到好香的酒味，试左啖酒酿，好清香! 仲唔会有酒既发酵酸味，相信酒酿既调配都落左唔少功夫。日本蛋真系唔同啲，只蛋黄系橙色!之后再将只半熟温泉蛋整烂搞拌一齐食，口感变得更厚实，食完成个人暖粒粒呀! 仲有2款丸子，一款系芝麻馅，另一款系净粉团的丸子，两款都好夹! 我比较钟意芝麻馅，因为好香芝麻味! 哩个桂花酒酿丸子好有惊喜，下次要再来试下其他甜品。