滿記甜品

营业中

休息中

今日同妈咪喺沙田行完街食左个下午茶，到晚饭时间都唔肚饿，就谂住食个甜品当晚餐。原本谂住去食Tony Wong，不过妈咪唔太岩食，所以就去左满记。完全无谂过满记7点几就要等位，等两三张，5分钟到就有位喇。佢个格局唔同哂，成个style都唔同哂，感觉好似好新潮咁。我都系照旧嗌返杨枝甘露，而家好贵，要$36，仲要比以前细碗左。望落个色感觉上多左好多色素，黄左好多。不过食落比以前好味左，佢啲西米比以前细粒，但系好烟韧。另外佢有啲大粒啲既透明物体，咬落系爽既，我唔钟意食。芒果有少部分好酸，不过整体食落都几好味。妈咪就嗌左热杏仁莲子雪耳，因为我唔食杏仁既所以无食过，不过一黎到闻到好香既杏仁味，之后问返妈咪佢话都几好食。整体黎讲，满记啲糖水系几好味既，不过我就觉得太贵，同埋啲位逼左少少。唔会特别话下次好想再黎食。