倫哥火鍋私房菜 (已結業)

位于元朗嘅伦哥私房菜，相信住元朗嘅人一定会识，亦有唔少人慕名而来！早两日约咗出边嘅朋友去咗呢度食嘢，食完已经要计划下几时再食🙂我哋一坐低就即刻有人的招呼，问我地鸡煲要咩辣，好快就有一盘热腾腾嘅鸡煲送咗过嚟，啲店员仲会不断提醒几时要翻一翻啲鸡，同埋几时食得！系等啲鸡熟嘅期间，店员就攞咗一盘好新鲜嘅刺身俾我哋食先，有大虾 三文鱼 带子，全部都好鲜甜。食完刺身，啲鸡食得嘅时候，又放左一个煎pan同一碟嘢黎，原来系鲍鱼 花胶 蒜蓉圣子，啲花胶煮得够软，一啜落口𠮶下成日都系汁，好正！啲圣子上面铺满左蒜蓉，将啲蒜蓉连埋只圣子放晒入口，虽然成日蒜味但超出色食完上面讲嘅嘢，唔好以为就咁完左，随即店员就会问你使唔使加多次鸡或者转火锅，我哋拣咗一个牛奶猪骨锅但走左牛奶然后店员就连埋日本海鲜、一盘顶级肥牛送左上黎，部份海鲜同埋呢种肥牛，之后加就要额外加钱，唔想加钱就要珍惜每一嚿喇！另外一提，仲有好多唔同嘅美味配料可以落单，我本人就钟意食呢度嘅墨鱼滑、鱼皮、响铃！最后想提提大家，呢度嘅嘢食真系食极都有，同埋嘢饮又系任饮，要去食嘅话要留返一个空空嘅肚去！