Plato (已搬遷) 新店位置

又嚟到Blue Monday 嘅夜晚，2017年第一个嘅星期一Working day，当然要去食一餐好嘅作为开始啦。今晚Mr.J拣咗油麻地嘅Plato，记忆中去过附近嘅Plato Cafe感觉唔错，唔知依间嘅水准会点呢？今晚我唔想拣食咩野，就将责任交咗俾Mr.J拣。佢要咗精选二人餐，详细拣咗:南瓜忌廉汤酸忌廉脆烟肉薯条法国牛肝菌带子忌廉汁意粉美国极黑豚肉眼扒（红桑子烧汁）Tiramisu,朱古力雪糕慕丝蛋饼柠檬生姜茶,冻柠茶是日餐汤系南瓜忌廉汤，我最喜欢嘅西汤之一。今晚碗汤浓度啱啱好，南瓜味同忌廉嘅奶味平衡得唔错，甜甜地好好饮。酸忌廉脆烟肉薯条我同Mr.J都非常满意。薯条嘅份量足够两个人食，而酸忌廉份量超多，差唔多有一球雪糕，点薯条时唔使悭住点。薯条系粗身嘅，送到枱上仲系超热嘅状态，配上少少冻嘅酸忌廉同少少咸嘅烟肉粒，好夹好好味啊！！不过如果酸忌廉同薯条可以分开上就好少少，因为薯条好热会溶哂啲酸忌廉，食到最尾啲薯条会浸哂酸忌廉水而淋哂.......法国牛肝菌带子忌廉汁意粉亦都唔错，整个份量几大碟足够两个人食，可能我本身喜欢食带子、菌类同忌廉汁，所以我都非常满意。意粉本身煮得唔错，唔会太