影片
更多
2021-11-01
2367 浏览
难得约左朋友星期六饭聚，当然要拣返间有水准嘅餐厅啦！要成为有水准嘅餐厅，不外乎以下几个元素，包括：内在环境干净企理、服务态度良好、食物水平高质、价钱合理等等，而呢间餐厅喺各方面嘅水平都唔错，综合评分嚟讲算系一间几高质嘅食店！先讲下地段，佢系坐落于湾仔区湾仔道83号3楼，由于地面系街市嘅关系，所以一开始对呢间餐厅嘅印象麻麻，直至上左去之后，先发现系另一个世界。餐厅环境方面，由于我地Book左五点，系最早到嘅一枱，基本上你想坐边都可以，我地两个就拣左一张for 四个人嘅大枱，所以全程都食坐得好舒服，唔使好似平时中午食饭咁要就住就住咁坐。餐厅嘅装修好华美，用色好似时下嘅打卡咖啡厅咁，以少女粉红作为主调，配合墙上嘅霓虹灯装饰，即刻觉得自己好似去左一个梦幻主题游戏室咁，唔似系打边炉嘅地方。之后，我地发现侍应们著嘅衫都系时下最流行嘅鱿鱼游戏服装，男仔就扮工作人员(红色衫)，女仔就扮456参赛者(绿色衫)；之后电视机都系播住《鱿鱼游戏》，真系跟得好贴呀！令我好奇佢地喺未有《鱿鱼游戏》之前，唔知又系点嘅装扮嘅呢？野食方面，佢分做三个plan：A、B、C，Plan A最平但最少野食(无鱼生)，Plan
先讲下地段，佢系坐落于湾仔区湾仔道83号3楼，由于地面系街市嘅关系，所以一开始对呢间餐厅嘅印象麻麻，直至上左去之后，先发现系另一个世界。
餐厅环境方面，由于我地Book左五点，系最早到嘅一枱，基本上你想坐边都可以，我地两个就拣左一张for 四个人嘅大枱，所以全程都食坐得好舒服，唔使好似平时中午食饭咁要就住就住咁坐。餐厅嘅装修好华美，用色好似时下嘅打卡咖啡厅咁，以少女粉红作为主调，配合墙上嘅霓虹灯装饰，即刻觉得自己好似去左一个梦幻主题游戏室咁，唔似系打边炉嘅地方。
之后，我地发现侍应们著嘅衫都系时下最流行嘅鱿鱼游戏服装，男仔就扮工作人员(红色衫)，女仔就扮456参赛者(绿色衫)；之后电视机都系播住《鱿鱼游戏》，真系跟得好贴呀！令我好奇佢地喺未有《鱿鱼游戏》之前，唔知又系点嘅装扮嘅呢？
野食方面，佢分做三个plan：A、B、C，Plan A最平但最少野食(无鱼生)，Plan B 同C除左肉类唔同之外(Plan C嘅肉最高质)，其他野食基本一样，所以我地拣左Plan B($268，六日另加$10，另加一服务费；限时2小时)，佢按顺序帮我地上：一盘鱼生、一碟串烧小食、一锅鸡煲，之后就开始食火锅，每人一锅自选汤底，按自己心意想吃边款就要边款，唔使好似其他火锅店咁要共享一锅底，自由度大大减低。火锅头盘系一盘海鲜拼盘，之后可以好似酒楼食点心咁任点，不过要注意一点就系：佢呢度每次点野食都系按人数作为数量上限，好似我地咁两个人嚟食，每次落单每款最多只可以点两份，想再食就要等下一轮了。虽然每次份量唔多，但可以用嚟控制眼阔肚窄嘅人，都系避免浪费食物之举，而且食完头几轮嘅鱼生、串烧小食、鸡煲同海鲜拼盘之后，基本上都已经饱饱地，所以之后都唔系嗌到好多野，所以即使每次落单嘅份量唔多，都无咩所谓嘅！
最后，值得一赞系佢嘅服务态度好殷勤，每逢食完一碟野食之后随即清走，所以枱面上长期都维持一种干净企理嘅状态。
埋单一计，因为我地早入座嘅关系，所以每人减左$20，total $556 两位，平均每人都只系$278，真系几抵食架！呢间集中日韩于一身嘅餐厅，一次过满足你三个愿望，诚意推荐各位嚟试下！
张贴
