牛陣 (德福廣場1期)

营业中

休息中

日式任食边炉有好多选择，今次去咗牛阵食边炉。放工时间人流都几多，好彩等咗一阵就好快有位。拣咗第二平嘅套餐，有埋海鲜墨鱼仔同鱼块。汤底就拣咗寿喜烧同埋蕃茄汤。普通美国肥牛偏瘦，食落有d 硬身。之后拣返澳洲牛，油脂多番少少，比较易入口。另外要赞佢有牛舌食，唔系好多舖头有供应。自助区除咗边炉配料之外，有不少熟食，例如关东煮、炸鸡、咖喱饭。关东煮可能放得太耐，所以比较淋淋，唔试都得。最后都系主力食返牛肉打边炉就算。整体边炉配料都好新鲜，蔬菜好多选择。牛肉质素中上，出餐速度都快，店员都勤力收盘。最欣赏系有任食Häagen-Dazs雪糕，不过就要自己装。整体评价OK，见到人地d 高级牛好似唔错，有机会再去试。