影片
更多
2021-08-18
1189 浏览
已经唔系第一次系呢到食啦，呢晚系星期五，有288、388、488、688四个放题价钱可以选择。之前食过388嘅，今次试488。呢到最好嘅好处系无限时间，可以慢慢食，虽然系咁话，但都系食咗两个钟头左右。以上嘅2人份刺身拼盘系叫488附送嘅。生蚝好新鲜，配合上面甜甜嘅啫喱（觉得有少少似桃胶），感觉几清新！海胆都唔错，唔腥，配合紫菜（冇影到）一齐食，非常之满足呀！鲍鱼感觉似系矶煮鲍鱼，口感弹牙入味。其他都唔错，带子鲜甜，大虾刺身都可以，但个人更偏好泰式生虾（唔记得咗影相，口感弹牙，个汁唔系好辣）。寿司方面，冇咩点叫，只系叫咗海胆、蟹膏同左口鱼寿司。呢到嘅海胆寿司都可以，寿司饭唔系好大，蟹膏同左口鱼寿司个人就觉得还可以，正正常常。甲壳烧个人觉得入面沙律酱太多，食多两啖就觉得有啲腻，个人觉得一份两人食，试下就可以。烧羊架都唔错，个人比较怕重羊臊味，但呢到烧嘅羊架唔太觉，调味就可以。肉质方面以放题黎算唔错，唔会话好韧。烧物方面，叫咗鸡软骨、一口牛同牛舌。牛舌调味唔错，但口感稍韧，不过以放题黎讲唔算差。一口牛冇咩特别记忆，鸡软骨串都推荐送酒时食，炸得唔错，唔会因为追求外脆而炸耐啲，而忽略冷却后会变硬
以上嘅2人份刺身拼盘系叫488附送嘅。
生蚝好新鲜，配合上面甜甜嘅啫喱（觉得有少少似桃胶），感觉几清新！
海胆都唔错，唔腥，配合紫菜（冇影到）一齐食，非常之满足呀！
鲍鱼感觉似系矶煮鲍鱼，口感弹牙入味。
其他都唔错，带子鲜甜，大虾刺身都可以，但个人更偏好泰式生虾（唔记得咗影相，口感弹牙，个汁唔系好辣）。
寿司方面，冇咩点叫，只系叫咗海胆、蟹膏同左口鱼寿司。呢到嘅海胆寿司都可以，寿司饭唔系好大，蟹膏同左口鱼寿司个人就觉得还可以，正正常常。
甲壳烧个人觉得入面沙律酱太多，食多两啖就觉得有啲腻，个人觉得一份两人食，试下就可以。
烧羊架都唔错，个人比较怕重羊臊味，但呢到烧嘅羊架唔太觉，调味就可以。肉质方面以放题黎算唔错，唔会话好韧。
烧物方面，叫咗鸡软骨、一口牛同牛舌。
牛舌调味唔错，但口感稍韧，不过以放题黎讲唔算差。一口牛冇咩特别记忆，鸡软骨串都推荐送酒时食，炸得唔错，唔会因为追求外脆而炸耐啲，而忽略冷却后会变硬得滞。
鸡泡鱼干！十分推荐！就咁食都好好食！不断追加咗几次。鱼干上嘅烧汁被烤出香咪，外层嘅薄薄脆香与内里松软嘅层层肉干，系口腔中咀嚼下，慢慢深透出一丝丝嘅香甜。真系愈食愈上引！配上清酒或白酒，绝对一流！
酒方面：有基本嘅红白酒、冷热清酒、啤酒、鸡尾酒等，仲有其他基本汽水饮品，但个人冇咩点留意。今次叫得少红肉，所以都只系叫咗白酒同冷热清酒。个人觉得杯白酒味道都算系偏甜嘅，用黎𩠌鲍鱼、海胆、生蚝、鸡泡鱼干都唔错，而清酒基本上百搭。
最后，甜品放面，之前有心太软可以叫，但今次就唔见有。甜品个人叫得唔多，叫咗焦糖炖蛋同Movenpick雪糕。焦糖炖蛋都焦正常唔会中伏嘅一般甜品啦。雪糕有3种味，士多啤梨、朱古力同云呢拿。
总结黎讲，食物质数都唔错，地方环境就比较窄，一般身形嘅朋友仔就冇问题，但比较大只啲嘅朋友可能就有机会会觉得唔太方便啦。觉得人手唔系太够，叫野食有一次举咗分几钟先有人见到，但职员嘅服务系可以嘅，见到佢哋都真系忙嘅。上菜速度都好快，都冇漏单。
张贴
