佳佳二姐甜品

营业中

休息中

一班朋友岀街食饭嘅好处系一定有人话好食糖水！系土瓜湾食饭，就转场去左附近嘅佳佳二姐糖水啦🤩我谂大家都知佐敦嘅佳佳大多数都排晒长龙，不过今次我地黎二姐尼边都比较早，唔洗等好耐就有位俾我地成班人入去。其实一入门口就会闻到好香浓嘅姜味，冻嘅日子入去，会即刻感觉到好暖。😌我自己就叫左宁波姜汁汤丸净系睇相都知个糖水姜味有几重🙈 通常岀去食汤丸个糖水都系透明，见得到个碗底，得少少姜味，但尼个姜味特浓！🔥一黎到热辣辣就饮左啖糖水先，好暖胃😌除左个糖水，个汤丸真系好好食😍 系宁波芝麻汤丸。个皮唔会太厚，而且个馅好香，我个人觉得除左芝麻炒得香，仲好似有少少花生味🥜咁🤔，甜度岩岩好，所以我仲买多左盒未煮嘅汤丸带走🤤同样被姜味吸引嘅仲有男朋友👦🏻，佢就简左浓姜蕃薯糖水🍠，蕃薯嘅份量好多，而且加埋浓姜汤做底，佢饮左两啖就要除外套🤯其实成班朋友叫左好多种糖水，不过一上枱大家就好快开动🙈 如果大家系同熟嘅朋友去👫👯‍♀️👯‍♂️，最好一个叫姜味嘅糖水，一个叫其他种类，因为当姜糖水食到咁上下，会愈黎愈辣同有啲甘味，尼个时候食番啖其他糖水会舒服啲架！😌😌