餃掂手工餃子雲吞專門店

今日收工喺屋企附近揾嘢食，同屋企人去咗商场嘅饺子舖，因为平时见好多人食，听讲佢嘅煎饺汤饺都好有水准，所以一于就试下啦😍座位系半圆一排，双人并排坐 ，睇完餐牌，就揾姐姐落单。龙凤松茸双煎饺睇餐牌见到佢招牌系松茸煎饺，当然要试下，黑松露同白松露嘅煎饺都超重松露味，好浓郁好香。我个人更加钟意白松露，唔单止会越咬越香，食完个香味仲会持续好耐，肉都好足料，够饱满。香煎软心芝士饺作为芝士控嘅我点可以唔试下 ，一咬开满满嘅芝士流晒出嚟，入面仲有粟米粒增加口感，超级creamy超邪恶呀双拼汤饺粟米芫茜食完煎饺就当然要试下佢嘅汤饺，汤底系状元九鼎汤，原本以为会好似街外一啲味精汤咁样， 但点知完全唔系。饮得出系住家汤嘅味道，清新好饮。 而汤饺都好出色，皮煮到好滑 ，特别系芫茜猪肉饺，芫茜真系好多好香。芫茜控必试！豆浆 自家制山楂雪梨水支装 饮品叫左两个，特别欣赏佢嘅山楂雪梨水，可以媲美其他凉茶舖煲嘅。山楂味好出，酸酸甜甜咁样，超清新解暑