燒烤堂 (已結業)

今日上完training，提早收工，就去黄埔行下街，见到呢间日式装潢嘅餐厅，觉得环境同气氛都唔错，就想试下。餐单种类很多，我地叫左9款烧物再加乌冬。Waiter 介绍左今日厨师推荐-烧蛏子， 好好食， 配料都系葱，粉丝同蒜，煮埋一齐好香同味浓，加埋蛏子煮得岩岩好，肉质好嫩。绝对首推。昆布乌冬，因为怕唔够饱叫左个乌冬，汤底清淡，配合食其他浓味嘅串烧，系个唔错嘅选择。呢间细细地串烧店有惊喜，基本上所有串烧都好够味同嫩口，波萝加左层蜜糖，表面脆口，肉劲甜！！！钟意食波萝嘅真系要试下。唔知系咪我地太早食，7点未够就入座，店舖送我地菊花茶，好好饮，唔系太甜，又够冻。