影片
更多
2021-08-04
1058 浏览
西贡市中心一向都进驻左大大小小既西餐厅及咖啡室，各有特色各有质素之下，要揾到间有位既餐厅真系难上加难。小编与老公及朋友们原本想趁暑假入黎轻松下，点知净系响揾食已经遇到大难题..经过呢间Big Fish Seafood & Grill，原本都以为入面净系得以鱼类为主既菜式 - 但其实都只系因为餐厅名既关系，入面既菜式都系以意式为主既海鲜扒房。员工见我地无订枱又好徬徨既时候，因为时间尚早关系都决定誊空预留既枱俾我地享用晚饭 (当然有限时用膳啦)。 由于实在太肚饿喇，所以稍为研究完餐牌后就即刻点菜，以下为小编推介既菜式，等大家可以作为参考吧：1) Pizza Gorgonzolla ($158)：响小编眼中，意大利既薄饼最吸引之处唔系非传统既"菠萝"，而系其中最传统既芝士及饼底。Gorgonzolla直接既使用2款软身而芝士，食落去唔会觉得酸而会觉得有点甜甜，点解？因为佢响配料上单纯用左焦糖浸熟既洋葱，芝士及焦糖正正就系令薄饼唔会太油腻得黎又开胃既关键! 非常好味! (上枱个刻芝士当然会有拉丝既效果啦) 而饼底香脆，以小编计其实系2-3块都唔会太有饱肚感。2) Braised Lamb Sh
经过呢间Big Fish Seafood & Grill，原本都以为入面净系得以鱼类为主既菜式 - 但其实都只系因为餐厅名既关系，入面既菜式都系以意式为主既海鲜扒房。员工见我地无订枱又好徬徨既时候，因为时间尚早关系都决定誊空预留既枱俾我地享用晚饭 (当然有限时用膳啦)。
由于实在太肚饿喇，所以稍为研究完餐牌后就即刻点菜，以下为小编推介既菜式，等大家可以作为参考吧：
1) Pizza Gorgonzolla ($158)：响小编眼中，意大利既薄饼最吸引之处唔系非传统既"菠萝"，而系其中最传统既芝士及饼底。Gorgonzolla直接既使用2款软身而芝士，食落去唔会觉得酸而会觉得有点甜甜，点解？因为佢响配料上单纯用左焦糖浸熟既洋葱，芝士及焦糖正正就系令薄饼唔会太油腻得黎又开胃既关键! 非常好味! (上枱个刻芝士当然会有拉丝既效果啦) 而饼底香脆，以小编计其实系2-3块都唔会太有饱肚感。
2) Braised Lamb Shanks ($288, 连汤及饮品)：羊架大家可能都食得多，但其实羊膝都系羊肉黎讲非常特别既菜式之一。呢间餐厅既羊膝煮出黎肉质非常之软熟﹑所以当你轻轻用刀切开个阵，羊肉就会一丝丝既被切出黎。再加上伴碟既红酒汁﹑薄荷汁去食既时候，就会发觉无膻味既羊肉真系好好味。而佢既薯蓉都系偏向软身，配合红酒汁都系非常好既享受。
3) Turkey Kebab (实际名字唔太记得，包几块土耳其烤饼包肉用)：响意大利餐厅食烤肉串其实有点格格不入，不过既然响餐牌度成为特别介绍菜式，所以点都要试下既。意想不到既系，整条烤肉串上均插满烤肉，而中间既辣椒非常惹味，配合香料非常足既烤鸡肉食，非常好味 (不过鸡肉会稍为有少少干身，建议点汁食)。
另外都叫左Seafood Jambalaya及饮品Mango Smoothie，海鲜饭既饭质比较软身既，但杂锦海鲜既味道都算可以既，只系相对肉类之下有比较；而芒果沙冰既冰打得非常碎，所以饮个阵唔会有粗糙感而易入口。
响无特别期望下选择今晚呢间餐厅系有惊喜既，特别多谢员工计好翻枱时间而响无订位情况下俾我地入座用餐。
张贴
