Pizza Maru (朗豪坊)

营业中

休息中

听朋友介绍依间既 Pizza 唔错，所以去朗豪坊试下。餐厅系Food court 𠮶层，好易揾，不过地方唔算大，同埋有限时。食物份量都好大，我地叫咗3 个招牌菜式 Share 食。-  Maru 秘制青口锅蓝青口系中等 Size，大细都算 OK。秘制汁有啲似白汁，有香料，忌廉，白酒香味，味道适中，食完一只又一只，好快已经抢晒。- 蒜香甜辣秘制炸鸡韩式炸鸡，系炸鸡上面加酱汁，作为调味，又保持到脆皮。蒜香甜辣酱，其实系唔辣既，不过可以增加炸鸡既风味，而且鸡肉系好juicy。- 芝心Maru 大哥 PizzaPizza 主要有Maru 香鸡，车厘茄，马里拉芝士，同埋有好多配料，十分丰富。蕃茄，芝士味好浓，不过有酸忌廉平衡番味道。Pizza 系薄底，超松脆，所以食多一两块，都ok。一次过可以食到蓝青口，Pizza，炸鸡，而且水准又高，真系满足所有愿望。