至尊滿屋日本料理 (已結業)

我同女朋友差唔多个个月都会食放题，贪佢选择够多，大家都可以食到钟意食嘅嘢。.🍍一打开餐牌，女朋友就叫咗成六片烧菠萝咁多，贪佢清甜开胃，仲可以解腻。.🐑我哋仲叫咗烧纽西兰羊鞍，呢样都系每一次都必点。肉质软腍，食落超级juicy。.🦐值得疯狂encore嘅仲有天妇罗虎虾，薄薄嘅炸粉，包着鲜甜可口嘅炸虾，令人回味无穷。.🐟我哋亦都好钟意食比目鱼西京烧，外皮好香脆，但鱼肉十分之嫩滑多汁。就算唔钟意食鱼嘅都会觉得好好食。.🐟各款寿司同鸡翼都好好食，我哋都encore咗几次。.🍶呢度嘅放题一如以往有唔同嘅饮品、甜品选择，比较特别嘅系佢有梅酒同埋清酒饮。.🍦最后仲有一人一杯贵价雪糕，所以记得留肚食呀。