影片
更多
2021-09-22
463 浏览
2021年9月13日 星期一今日专登去接老婆放工，再一齐去将军澳食饭，对上一次嚟呢间餐厅食饭已经系两年前嘅事，所以今次再嚟睇吓有冇新菜式食由于我哋去到嘅时间大约晚上六点左右，未算太多人，所以好快就安排到位置坐低再慢慢睇返餐牌，原来除咗一般嘅餐牌之外，仲有二人同四人套餐可以选择，一个价钱已经包括左头盘、主菜同意粉，所以我哋即时点左二人餐，费事心大心细唔知食咩好等咗大约10分钟我要嘅头盘就送到，系龙虾汤，嚟到已经充满龙虾嘅香味，饮落去嘅每一啖都好浓郁，仲食到龙虾肉添，一啲都唔稀，热辣辣饮品我就要左杯green point，其实系菠萝汁梳打，够晒冰冻，饮落去酸酸甜甜，几清新，好适合夏天饮到咗主菜环节，呢一个系BBQ chicken pizza，有烤鸡肉、野菌、焦糖洋葱等等，当中仲有最重要嘅烧烤酱汁，因为真系好惹味，同烤鸡十分配合，薄饼有咬口但唔会太厚，两个人食每人有三块，食完都已经饱饱地之后仲有红酒烩和牛肋肉长通粉，原本餐牌系写蚬壳粉，不过店员话已经卖晒，所以转左长通粉，个人觉得更加挂汁，每一条通粉都食到浓郁嘅酱汁，而且食完之后唔会太腻，和牛肋肉唔会太韧，加上份量都唔少，两个人食就岩晒呢一个
今日专登去接老婆放工，再一齐去将军澳食饭，对上一次嚟呢间餐厅食饭已经系两年前嘅事，所以今次再嚟睇吓有冇新菜式食
由于我哋去到嘅时间大约晚上六点左右，未算太多人，所以好快就安排到位置坐低
再慢慢睇返餐牌，原来除咗一般嘅餐牌之外，仲有二人同四人套餐可以选择，一个价钱已经包括左头盘、主菜同意粉，所以我哋即时点左二人餐，费事心大心细唔知食咩好
等咗大约10分钟我要嘅头盘就送到，系龙虾汤，嚟到已经充满龙虾嘅香味，饮落去嘅每一啖都好浓郁，仲食到龙虾肉添，一啲都唔稀，热辣辣
饮品我就要左杯green point，其实系菠萝汁梳打，够晒冰冻，饮落去酸酸甜甜，几清新，好适合夏天饮
到咗主菜环节，呢一个系BBQ chicken pizza，有烤鸡肉、野菌、焦糖洋葱等等，当中仲有最重要嘅烧烤酱汁，因为真系好惹味，同烤鸡十分配合，薄饼有咬口但唔会太厚，两个人食每人有三块，食完都已经饱饱地
之后仲有红酒烩和牛肋肉长通粉，原本餐牌系写蚬壳粉，不过店员话已经卖晒，所以转左长通粉，个人觉得更加挂汁，每一条通粉都食到浓郁嘅酱汁，而且食完之后唔会太腻，和牛肋肉唔会太韧，加上份量都唔少，两个人食就岩晒
呢一个系芝士焗酿大啡菇配香草蕃茄汁，啡菇差唔多有我个拳头咁大，切落去充满水份，上面就一层浓厚嘅芝士，配埋蕃茄汁一齐食，酸味平衡得啱啱好
最后我哋仲点左甜品朱古力布朗尼，原个铁pan咁上，够晒热之余见到上面嘅朱古力酱同云呢拿雪糕不断溶化，流晒落去下面嘅布朗尼同香蕉，食落去又冻又热，味道层次好丰富，布朗尼又唔会太甜，食埋甜品都唔会觉得太饱
最后叫咗咁多嘢食埋单都唔洗$600，应该饱到第二朝都唔使食早餐
张贴
