樓下冰室 (已結業)

放工同家人系荃湾食晚饭，去左路德围方便揾食。最后拣左食楼下冰室！野食选择唔少，最后分别拣左一个番茄浓汤通粉加牛肉配招牌瑞士鸡髀同吉列猪扒配厚切牛乳炒蛋治+粟米什果沙律，野饮一个要热奶茶、一个要左红绿椰冰🍹🍗 番茄浓汤通粉加牛肉配招牌瑞士鸡髀瑞士汁好香，只鸡髀入晒味！番茄汤够香，加配嘅牛肉都算几滑。通粉份量好多好足，而且个粉唔会煮得过火👌🏻🥪 吉列猪扒配厚切牛乳炒蛋治+粟米什果沙律个什果沙律真系好有细个食嘅时候嘅味道！吉列猪扒都炸得好香脆。至于个厚切牛乳炒蛋治，层蛋真系好厚，搽咗牛油好香，好满足！☕️ 热奶茶只杯几靓😆 奶茶味都算几香～🍹 红绿椰冰顾名思义，即系红豆加绿豆蓉嘅椰汁冰！好多豆、好足料！欣赏个绿豆蓉，而且个椰汁冰唔会太甜，好清新！跟餐可以半价加黎饮，都几抵！楼下冰室野食整体份量都好充足，够晒饱，味道都唔错！价钱定价亦都适中，整体唔错！