花園酒家

营业中

休息中

琴晚就同阿妈佢地讲好，今日去饮早茶，一家人好耐未试过一早出去饮早茶喇，今日过油麻地嘅花园酒店饮早茶，呢间酒店饮早茶环境比较好，价格又唔会相差好多，所以相对嚟讲都算抵食，而且味道都算可以。牛肉肠粉，呢间餐厅嘅肠粉出品都可以，妈妈就中意食牛肉肠，佢钟意牛肉肠，牛肉系大片切，肠粉都算嫩滑，豉油好香。虾饺不过不失，味道仲算可以，皮薄，虾肉都算大只，都几新鲜弹牙，一人食两只就刚好。传统美食马拉糕，阿妈至爱，每次饮茶都会点，马拉糕都蒸得几松软，唔系好甜，刚刚好，一旧一个人食晒比较多，两个人分就刚刚好。豉椒凤爪味道唔错，蒸得好淋，好容易咬，味道唔错。