漁品酸菜魚火鍋放題 (已結業)

老公上星期同朋友去食2人餐，佢话都唔错，见人食任食，望落去都唔差，所以同奶奶补祝母亲节就黎呢度食！头盘小食有创意架，特别钟意个梅子浸苦瓜，苦瓜一D都唔苦之余，重酸酸甜甜好醒胃，虾多士也不错，上面加左黑松露酱和沙律酱！头盘有4款都系可以任叫的！刺身就只有一盘，有生蚝，海胆，圆粒带子，油甘鱼，北寄背和虾，都新鲜，好明显唔算系超急冻啤水就俾你食，所以刺身算ok!跟著上酸菜鱼同爆酱鸡，先讲酸菜鱼，鱼质可能唔系我钟意食的质感吧，有点怪😅但个汤底真系正，重有水晶粉系底，同埋本身以为系豆卜既野竟然系鱼腐，要加分啦！讲下个鸡，又系不得了，好好味，唔会好辣，又唔会炒得好老，唔错！到打边炉喇，有两个汤底拣，我地拣咗胡椒猪肚汤，里面坚有猪肚，重有超淋猪粉肠，猪粉肠（个人觉得系惊喜野）汤底味浓，基本上唔需要额外点豉油，牛肉和豚肉都系合格水平以上，有80分，起码唔系任食就是但俾你果D, 墨鱼滑和虾滑，大爱，够爽又好味，总括来讲性价比比较高，$275/个，无分时段，就系食2个钟，真心抵食！