茶茶台式料理 (已結業)

疫情期间无得飞，最挂住嘅肯定系台湾美食！今日嚟到旺角揾食，呢间茶茶同隔离𠮶间啊木一样咁出色，唔知点解就无咁多人排！叫咗好耐冇食嘅盐酥鸡排卤肉饭、麻辣臭豆腐、芋香珍珠奶茶。盐酥鸡排炸得好香！外脆内软，炸粉适中唔会KICK喉，够哂松软，入面嘅鸡仍然有肉汁，令人忍唔住一啖接一啖咁食。卤肉饭好少肥肉，唔系台湾𠮶种卤肉饭，我觉得瘦嘅反而仲好食，成个饭嘅配搭相当唔错！麻辣臭豆腐够哂臭，好啱无得飞嘅我哋过下口瘾！芋香珍珠奶茶几香，珍珠有咬口，正常台式特饮水准。