影片
更多
2018-07-30
1155 浏览
平时只会去九龙城食泰国菜，估唔到有一间高质素，而且食物美味嘅泰国菜位于太和附近，我哋就去试吓晚餐。餐厅位置开阳，位于十字路口附近，而且招牌七彩缤纷，一过马路已经见到，容易揾到。泊车非常方便，可以泊门口出面嘅咪表位。餐牌多款选择，图文并茂，每一款实物图片都好吸引，而且饮品多款式，实在好难选择。首先来了两款前菜，包括泰菠萝沙律及Combo小食拼盆。泰国菠萝沙律非常特别，卖相好吸引，当中包括士多啤梨、芒果同埋菠萝三种水果。菠萝入面装有一条条嘅鸡肉，食落去肉质鲜嫩，而且有少少辣嘅味道，菠萝味道亦都好入味，一次过有唔同味道喺口中。另外唔系炒嘅街头泰北生菜包呢个菜式名称非常特别，生菜非常新鲜爽口，包住少少辣嘅肉碎一齐食，更加滋味。主菜方面包括青咖喱带子意粉、鲜虾炒金边粉同埋泰式辣虾膏炒饭。当中嘅鲜虾炒金边粉面头有好似网状嘅蛋铺喺面，非常有特色。食落去金边粉滑溜，而且当中配料非常多，特别系鲜虾，非常爽口。饮品方面够晒特色，当中包括迷红小象、新鲜柚子沙冰、香茅特饮同埋帕差拉吉帝雅帕 (泰膝D)，呢一款用泰国语音命名饮品名称，非常特别。迷红小象系士多啤梨沙冰，味道鲜甜美味。由于朋友生日，仲可以喺度切埋蛋
餐厅位置开阳，位于十字路口附近，而且招牌七彩缤纷，一过马路已经见到，容易揾到。泊车非常方便，可以泊门口出面嘅咪表位。
餐牌多款选择，图文并茂，每一款实物图片都好吸引，而且饮品多款式，实在好难选择。
首先来了两款前菜，包括泰菠萝沙律及Combo小食拼盆。
泰国菠萝沙律非常特别，卖相好吸引，当中包括士多啤梨、芒果同埋菠萝三种水果。菠萝入面装有一条条嘅鸡肉，食落去肉质鲜嫩，而且有少少辣嘅味道，菠萝味道亦都好入味，一次过有唔同味道喺口中。
另外唔系炒嘅街头泰北生菜包呢个菜式名称非常特别，生菜非常新鲜爽口，包住少少辣嘅肉碎一齐食，更加滋味。
主菜方面包括青咖喱带子意粉、鲜虾炒金边粉同埋泰式辣虾膏炒饭。
当中嘅鲜虾炒金边粉面头有好似网状嘅蛋铺喺面，非常有特色。食落去金边粉滑溜，而且当中配料非常多，特别系鲜虾，非常爽口。
饮品方面够晒特色，当中包括迷红小象、新鲜柚子沙冰、香茅特饮同埋帕差拉吉帝雅帕 (泰膝D)，呢一款用泰国语音命名饮品名称，非常特别。迷红小象系士多啤梨沙冰，味道鲜甜美味。
由于朋友生日，仲可以喺度切埋蛋糕🎂，佢都大赞餐厅食物美味，今餐生日饭非常满足。张贴
