壹碗麵 (已結業)

今日要一个人食Lunch，放左工行行下，行左去和富道，本来想食胜利小厨，但最后都拣左新开o既壴碗面。入左去坐低，叫左个热门推介o既蝴蝶腩捞粗同巨峰梳打。侍应姐姐问我要唔要芝麻同葱花，我话要。等左10分钟，碗面终于到，一望见好似咁细碗，都惊唔饱。食落碗面D粗面比平时食果D粗好多，质感都几弹牙。我唔知呢间舖出名系佢地自家制沙茶酱，仲以为系辣酱。沙茶酱好惹味，点蝴蝶腩食特别好味。蝴蝶腩都唔"un"，好软身。食食下见侍应姐姐向其他人客推介酒香溏心蛋，我又要左一只。上枱o既时候侍应姐姐同我讲将只蛋分开两边，要毕返d酒落个蛋黄度。等我食埋碗面先再食只蛋，一将只蛋分开两边，D蛋黄已经流晒出嚟。一食落口已经觉得只蛋好有蛋香，好快已经畀我解决左。食完D浓味嘢，再饮返个巨峰梳打，非常满足。