喜來稀肉 (已結業)

平时食开铜锣湾𠮶间，今次嚟试下旺角呢间，睇下质素系咪一样。上网睇旺角出口，但我行油麻地出口好似较快，位置都好易揾。一坐低就已经摆好晒前菜，腌萝卜、泡菜、酸瓜、沙律菜同生菜，超级丰富，个自家泡菜好吸引，即刻食左先，虽然好辣但好好味，吾知有无得买返屋企😋。不过餐厅系地库，信号收得麻麻，落单要扫qr code，但落完单一阵已经上菜好快手。入门口个阵仲见到有免费雪条，每人可以攞一条，好期待食完可以食雪条。我哋两个女仔食得唔多，所以叫咗一个五花肉同一份牛肉，一个石锅饭同一个大酱汤。烧肉最快嚟到，个牛肉腌得好好食，试过三种酱汁，我个人钟意个辣汁，辣酱都吾错，同肉好夹，海盐就提鲜，但我个人吾钟意太咸。五花肉好多油脂但食落唔会好肥，加埋辣酱沙律菜劲好食，中和番个油脂味。芝士焗饭吾错，反而大酱汤偏咸，入面有蟹仔同蚬，钟意海鲜既人要试试。最后食埋个韩国冰条劲解渴，市面好少青提子雪条，好味，下次会再嚟食。