影片
更多
2007-12-11
24 浏览
第一次去哩间餐厅食野时已经系几年前了,睇到报纸买佢地最出名既火焰雪山,于是去过一次。今次系男朋友生日,12月7号打电话订台,booking左8点钟向海位置,当日中午我已经出左尖沙咀选择礼物送比winson,买左一件衫做佢既b-day gift,之后拎埋个蛋糕,6点钟起程去中环,由于winson收工收6点,于是我仲有时间去准备,去到中环,第一时间拎左个cake去餐厅,叫侍应帮我keep住,之后去左IFC买左「暴劫现场」既戏飞,7点45分,winson到中环了,同佢行去餐厅,一到门口,winson已经讲左一句:「哗~~好正呀,对住个海既,妳又会揾到哩间餐厅既?」我心一笑,太好啦,winson好钟意哩度个景,我地被安排住系向海第二张台既位置,叫左2柸dinks,之后有个女侍应(定老板娘?)好有礼貌同笑容咁行埋黎介绍我地食物,我记得几年前都系佢service我地,仍然仲系咁有笑容同礼貌,真系值得一赞!!佢介绍左2款食物,一个系古法咖哩,可配牛、羊、虾同埋羊架,于是我地叫左个古法咖哩配虾球、羊架套餐同埋一个薯蓉焗田螺。首先系头盘薯蓉焗田螺:田螺入面落左香料,食落去味道好浓郁好好味。古法咖哩配虾球
今次系男朋友生日,12月7号打电话订台,booking左8点钟向海位置,当日中午我已经出左尖沙咀选择礼物送比winson,买左一件衫做佢既b-day gift,之后拎埋个蛋糕,6点钟起程去中环,由于winson收工收6点,于是我仲有时间去准备,去到中环,第一时间拎左个cake去餐厅,叫侍应帮我keep住,之后去左IFC买左「暴劫现场」既戏飞,7点45分,winson到中环了,同佢行去餐厅,一到门口,winson已经讲左一句:「哗~~好正呀,对住个海既,妳又会揾到哩间餐厅既?」我心一笑,太好啦,winson好钟意哩度个景,我地被安排住系向海第二张台既位置,叫左2柸dinks,之后有个女侍应(定老板娘?)好有礼貌同笑容咁行埋黎介绍我地食物,我记得几年前都系佢service我地,仍然仲系咁有笑容同礼貌,真系值得一赞!!佢介绍左2款食物,一个系古法咖哩,可配牛、羊、虾同埋羊架,于是我地叫左个古法咖哩配虾球、羊架套餐同埋一个薯蓉焗田螺。
首先系头盘薯蓉焗田螺:田螺入面落左香料,食落去味道好浓郁好好味。
古法咖哩配虾球:咖哩有小小辣,又唔算太过辣,味道岩岩好,配合咖哩角同埋薄饼食,感觉好正。
羊架套餐:羊架烧得好有味道,一放上台已经有阵阵既香味传出,平时我食羊肉要配薄荷sauce,但今次就咁食个羊架,已经觉得够了,羊肉唔太熟亦唔太生,岩岩好5成熟,食落去口感一流。
到食完晒野食,侍应帮我地收晒d野,winson咁岩去洗手间,于是我就急急脚叫侍应帮我准备生日蛋糕,同winson倾左阵计,侍应无几耐就拎住个蛋糕黎到,winson好开心,亦谂唔到我会准备蛋糕比佢,侍应仲同佢讲左句生日快乐,餐厅亦播左首生日歌送比佢,只见winson笑到唔识讲野了~~~~食完野就去IFC睇戏,佢仲吓左一跳呢,因为估唔到我会买埋飞比佢。
winson好钟意哩间餐厅,除左食物好味之余,风景亦系最大原因之一,而我都好钟意哩间餐厅,原因同winson一样,但只可惜我住在大埔比较离得太远,如果唔系的话,我谂我一定会成日去哩间餐厅食饭。因为价钱唔贵之余,服务亦好好,系中环地区咁既价钱既餐厅可以做到咁,真系值得一赞^^。
张贴
