影片
更多
2017-08-11
831 浏览
今日Team Dinner，好钟意食海鲜嘅大佬今次话唔去鲤鱼门喇，拣左嚟御膳食私房菜（隔嚟Team阿姐极力推介）。成Team裁左一半人，即系剩低嘅人要做双份野，OT无间断，唯一保持嘅就系Team Dinner。有得食，总好过冇得食！今次交俾我负责，打电话去订位，讲低日期、时间、人数、电话同食物要求，店员就话会WhatsApp个餐单我睇睇，第二日收到餐单，Forward去Team个Whatsapp Group，冇人有意见就扑锤决定！我哋都冇人食过御膳，因为佢冇做午市，只做晚市！全店只有六张枱，今晚全场满座。香芒沙律大虾球四人份炸虾球配新鲜芒果、青提子、蓝莓、红苹果、青苹果、士多啤梨，虾球即炸热辣辣，生果新鲜，梗好食，作为头盘最啱！大肉蟹一只，约一斤。可以拣花雕鸡油蛋白蒸、避风塘炒、姜葱炒、胡椒炒、四川香辣炒，我哋一致拣左花雕蒸，皆因大家未食过。一上枱就好香花雕味，仲成只蟹型摆返出嚟，好有气势！肉蟹好厚肉，弹牙，下次要加钱要够两只或要只斤半先得，好正！花雕味香，但味道唔会过浓，蟹肉中散发出啖啖酒香味！唔单止只蟹出色，连蛋白好嫩滑，滑到似豆腐花，仲有啲蟹味酒味渗左入去，但鸡油就唔多觉喇！我哋
香芒沙律大虾球四人份
炸虾球配新鲜芒果、青提子、蓝莓、红苹果、青苹果、士多啤梨，虾球即炸热辣辣，生果新鲜，梗好食，作为头盘最啱！
大肉蟹一只，约一斤。可以拣花雕鸡油蛋白蒸、避风塘炒、姜葱炒、胡椒炒、四川香辣炒，我哋一致拣左花雕蒸，皆因大家未食过。
一上枱就好香花雕味，仲成只蟹型摆返出嚟，好有气势！肉蟹好厚肉，弹牙，下次要加钱要够两只或要只斤半先得，好正！花雕味香，但味道唔会过浓，蟹肉中散发出啖啖酒香味！
唔单止只蟹出色，连蛋白好嫩滑，滑到似豆腐花，仲有啲蟹味酒味渗左入去，但鸡油就唔多觉喇！我哋极速食晒，连一啲蛋白都冇剩！
生煎东星班12两（养鱼），唔算大条，鱼皮煎得好香脆，肉质系结实弹牙，我自己钟意蒸鱼嘅嫩滑口感，同事们就钟意煎鱼味香浓。
白胡椒爆炒南非鲍鱼4只，用鲍鱼壳伴碟，美观又环保。
鲍鱼新鲜洁白，白胡椒味香，惹味而不辛辣不呛喉，亦无抢走鲍鱼鲜味。一口一只，弹牙而满足。
蒜蓉粉丝蒸蛏子王4只，蛏子王size几大只。
用左生蒜蓉同炸蒜去蒸，双重滋味。蒜香味更带出蛏子本身嘅爽甜味道。
而下面加左粉丝，吸尽精华。又
江南百花鸡半只，鸡肉去骨，酿上虾滑，一软一弹牙，口感十足。面头加上玻璃芡，更添幼滑。
鸡肉都好嫩滑。
上汤浸时菜，时菜系西兰花，西兰花偏硬，再煮耐啲会好啲。
招牌御膳炒饭，好大碟，材料足，有虾、蛋、带子、鱿鱼、肉粒、菜粒，最正系炒得好有镬气。
甜品 - 芒果布甸，一人一杯。
有新鲜芒果肉，特别香甜，仲配有花奶，落少少食落更香滑。
全单$1748，有齐鱼虾蟹，材料都落重本，又食到饱饱，「满足」! 而且部份菜式嘅烹调方法都系第一次试，感觉新鲜。全晚店员不断换碟换碗，仲不断加水，收碟爽快，服务唔错架。 睇返餐牌，仲有好多想食嘅菜式。原来两个人都有套餐，又可以即场散点，希望下次我哋team可以多返啲人，可以食多啲开心啲！
张贴
