影片
更多
2018-01-04
89 浏览
今日同朋友去左荃湾行IKEA，行完想揾个地方食饭，朋友话想食西餐，咁岩见到商场对面有间餐厅几靓仔，所以一于试吓。由于已经系晚饭时间，餐厅已经差唔多full哂咁滞，好彩都仲有位。坐低望一望个环境同装修都唔错，感觉上同另一半黎最岩。特别既系餐厅较入位置放左张桌球台，我睇平时再夜Ｄ就会做埋酒吧场。 再睇下menu，见到set dinner 既选择同份量都好岩我地两个饿鬼，沙律加汤，之后主菜、餐饮，而且仲包埋甜品，所以就即刻落左order。 首先黎既系沙律，有Ｄ意料之外既系个份量都几大下，仲一Ｄ都唔hea，有鸭胸之余，上面仲有一Ｄ形状似珍珠但实际系茘枝味既啫喱。好醒胃。之后再黎餐汤同包，餐汤系甘笋南瓜忌廉，好浓好creamy。更惊喜既系个包唔系普通果Ｄ法包，而系入面有芝士同烟肉做咸既餐包，食落似食紧pizza咁，我同朋友都心谂今次肥死啦，食完前菜其实都已经饱左。。。。不过战斗力依家野都好睇Ｄ野食煮得好唔好味既，主菜我地点左芝士蕃茄烩虾肉意大利饭同烧西班牙黑毛猪两个人share。前者又系一个好浓味而可口既𩠌，大大只虾配上意大利饭，只可以讲系质感同味觉既享受。黑毛猪虽然系厚切但都几易入口，配菜种类
由于已经系晚饭时间，餐厅已经差唔多full哂咁滞，好彩都仲有位。坐低望一望个环境同装修都唔错，感觉上同另一半黎最岩。特别既系餐厅较入位置放左张桌球台，我睇平时再夜Ｄ就会做埋酒吧场。
再睇下menu，见到set dinner 既选择同份量都好岩我地两个饿鬼，沙律加汤，之后主菜、餐饮，而且仲包埋甜品，所以就即刻落左order。
首先黎既系沙律，有Ｄ意料之外既系个份量都几大下，仲一Ｄ都唔hea，有鸭胸之余，上面仲有一Ｄ形状似珍珠但实际系茘枝味既啫喱。好醒胃。
之后再黎餐汤同包，餐汤系甘笋南瓜忌廉，好浓好creamy。更惊喜既系个包唔系普通果Ｄ法包，而系入面有芝士同烟肉做咸既餐包，食落似食紧pizza咁，我同朋友都心谂今次肥死啦，食完前菜其实都已经饱左。。。。
不过战斗力依家野都好睇Ｄ野食煮得好唔好味既，主菜我地点左芝士蕃茄烩虾肉意大利饭同烧西班牙黑毛猪两个人share。前者又系一个好浓味而可口既𩠌，大大只虾配上意大利饭，只可以讲系质感同味觉既享受。黑毛猪虽然系厚切但都几易入口，配菜种类很多，有烧烤瓜、薯蓉、菠萝等，平时钟意食牛扒既人，我会推荐你地试下依个，转转口味，包你话正！
正餐个胃冇哂位，咁就要用我地第二个胃持续战斗。今日既甜品系朱古力蛋糕，好彩唔系大旧果只，两三啖就俾我地KO左。最后叹埋杯咖啡，真系要讲番句’BRAVO’先得！！下次一定会再黎试下其他野！
张贴
