梨滿園韓國料理 (已結業)

好野，今晚又可以去食烧肉。屈左好耐喇，食肉欲望燃烧起黎，满足感有赖呢间梨满园韩国料理嘅烧肉放题喇。 餐厅环境装修模仿韩国小店嘅风格，即系阿猪妈开𠮶d，红色灯罩嘅抽风机，更加带有韩式情怀。空气尚算流通，座位好宽敞，坐得都ok。 韩烧放题嘅食物种类都几多元化，除提供肉类、海鲜类同蔬菜类可以烧之外，仲有热食可以order,汤饭等，小炒、寿司、煎炸物，可以一边烧一边食。海带汤同泡菜豆腐汤，泡菜汤味道酸辣，咸味调较得宜，豆腐嫰滑，再加上石锅滚住咁上菜，温度绝对保持，实在唔错。三文鱼刺身好靓，油脂分布平均，厚度尚可，如果厚身d就更加好喇。炒杂菜虽然冇咩特别，但都要食下菜平衡下。Order左d牛板键，好惊喜，因为冇谂过呢个价钱可以食到正正牛肉喔。油花均匀，鲜红颜色证明好靓好新鲜，牛味亦非常香浓，烧紧时都渗出牛肉香味，而肉嘅口感一d都唔韧，牛油香味令我回味。黑豚腩肉，将脂肪层烧到外脆内软，加埋盐同黑椒调味（题外话：系岩岩新买嘅黑椒盐开黎试下🤣），令到豚腩肉滋味感倍增。而猪颈肉，牛舌等等都好食，尤其牛舌，质感厚实，柔嫩脆韧，入口之后一直散发出超强香味，系encore左2次嘅食物海鲜方面有青口，海虾，带子