百份百餐廳 (平田商場)

营业中

休息中

喺下午茶时间收工，屋企楼下就系百分百餐厅，于是入咗去。本身想食西多士，西多士有得拣糖浆或者炼奶，拣咗糖浆。不过又有啲肚饿，于是嗌多咗个爽蛋酸辣鱼片头米线，米线可以拣辣度，除咗鱼片头仲可以拣贡丸或者猪肉片，都好多唔同选择。下午茶仲包饮品，嗌咗朱古力同埋热杏霜，朱古力仲可以拣浓啲，饮落真系浓味啲唔系其他餐厅水沟牛奶𠮶啲，而杏仁霜都好香浓好香滑奶味都有杏仁味，唔系真系Hea你真系有落足粉去开嘅。成餐饭好满足，到两杯饮品好surprise，冇谂过茶餐厅都饮到咁浓味嘅饮品。