影片
更多
2011-02-19
35 浏览
由于2月17日系中国情人节, 相信都一定需要等位, 所以预早 Book 定枱, 去到完全唔驶等, 但见餐厅内已满客, 而且十分热闹. 中国情人节唔驶一定食中国菜既, 同心爱既人, 据o下扒, 倾o下计, 已经好开心, 今次我地响黄埔花园 OUTBACK 叫左一个名为 "Italian Inspiration this Winter" 套餐, 食得好饱, 食评如下 ~Italian Inspiration this Winter (HK$438)包括 ~黑糖面包 ~ 好食!!! 卖相好似一气煨蕃薯, 配以特制忌廉酱, 我地2人一口气食晒!周打蚬汤 ~ 稠到好利害, 完全系桨状, 但好好味好多材料, 只系咁稠饮埋个餐汤已经饱左 30%鸡肉蘑菇意大利饭 ~ 全个餐只得呢个饭唔好食, 个味好闷, 鸡肉有雪味, 加上已经有少许饱肚感觉, 完全引唔起食欲炭烧肉眼扒拼龙虾 ~ ~ 哗! 一个大碟上, 内有蔬菜, 薯角, 肉眼扒, 龙虾, 即时令我地又胃食鬼上身, 蔬菜好新鲜, 著角好香脆, 肉眼扒虽然咸左少少, 但依然多汁惹味, 好有咬口, 龙虾整得好细心, 厨师已经将整件虾肉挑出并放置于虾壳上,
Italian Inspiration this Winter (HK$438)
包括 ~
黑糖面包 ~ 好食!!! 卖相好似一气煨蕃薯, 配以特制忌廉酱, 我地2人一口气食晒!
周打蚬汤 ~ 稠到好利害, 完全系桨状, 但好好味好多材料, 只系咁稠饮埋个餐汤已经饱左 30%
鸡肉蘑菇意大利饭 ~ 全个餐只得呢个饭唔好食, 个味好闷, 鸡肉有雪味, 加上已经有少许饱肚感觉, 完全引唔起食欲
炭烧肉眼扒拼龙虾 ~ ~ 哗! 一个大碟上, 内有蔬菜, 薯角, 肉眼扒, 龙虾, 即时令我地又胃食鬼上身, 蔬菜好新鲜, 著角好香脆, 肉眼扒虽然咸左少少, 但依然多汁惹味, 好有咬口, 龙虾整得好细心, 厨师已经将整件虾肉挑出并放置于虾壳上, 龙虾肉好爽甜, 而且啖啖肉, 大家一定要黎试试!
士多啤梨特饮 ~ 劲大杯, 但味道无什特别, 如喜欢饮餐酒既朋友可选择红酒
总括黎讲, 食物唔错, 值得一试, 如不喜欢此套餐也可散叫, 黑糖面包好似系送既, 因为见每枱客人都无 Order 过但人人都有一个.
服务方面, 算系唔错, 侍应即叫即到永无话扮睇唔到, 而且态度好好令人舒服, 帮客人落单时都好细心问清楚客人需要, 值得一赞.
环境方面, 一般美式餐厅装潢, 四处都系以木材装饰为主, 令人舒服 relax, 好多外国人都把酒谈笑, 气氛不错.
各方面都几好, 相信会再次惠顾!
张贴
