好煮意 (已搬遷) 新店位置

早排试完人气旺盛但浪得虚名既永发鸡煲后，要再次寻找上水的美味鸡煲 ﹗揾揾下发现好煮意㖞，见到舖仔细细，但好多 fans 呢 ﹗今次到您啦 ﹗仲要等多三四张枱先到我地，天气好热啊。系街边等等下，哗 ﹗惊鬼死人咩 ﹗巨强呀，仲要飞添 ﹗同飞行巨强战斗完终于入座喇！有主舖位同副舖，今次坐副舖里面，对面枱强国人一家大细嘈到拆天，好影响食野既情绪。第 1 次帮衬，照惯例细读 menu 同墙上面既 poster 啦 ﹗食材种类未算好多，一贯鸡煲店既做法，不过已经比一般既鸡煲店为多，仲有埋新鲜海产食，good ﹗药膳鸡煲细，依度唔系分半只或一只，系大鸡同细鸡既分别。除左胡椒猪肚汤底要预订多，另外仲有 3 款汤底拣，但见枱枱都系药膳鸡煲啰。妹妹细心指导点食个鸡煲，先等汤底滚起，放晒所有鸡入汤琴盖，大滚后熄火，浸约十分钟就食得喇，咁样啲鸡就会好滑。多谢妹妹提点，其实我细细个已经知道架喇。鸡都几靓，一睇就知唔差啦。个汤底好香㖞，酒味连药材香味，正。滚起就可以放晒啲鸡件落汤，再琴盖焗熟去。大力推介，必试！汤底香甜，酒味药材味非常 balance，唔会过甜又唔会太浊或有涩味。浸完鸡既汤就更美味，鸡既精华渗入汤