天竜 (已結業)

换完身分证，行返荃湾有点热，本身打算去邻近嘅餐厅食饭，不过被告知最少要等半小时先有得入。所以转战另一间餐厅，见依一间有午市定食，见价钱合理，评价okay，又啱啱唔洗等位。幸运地今次系柳暗花明又一村～原本谂住食豚肉生姜烧就算，但见多几篇食评都系赞刺身/寿司，「天竜丼」又有齐我钟意食嘅嘢，所以就叫咗依个～有三文鱼、油甘鱼、带子、赤虾各两件，吞拿鱼一件～ 上有唔少海葡萄。全部都好新鲜。尤其系三文鱼、油甘鱼、赤虾嘅肉感好厚。满足～我本身唔得太钟意蟹籽/鱼籽，海葡萄连饭嘅时候有爆粒粒嘅感觉但无蟹籽/鱼籽嘅腥味，系好好嘅配搭～💛