影片
更多
2010-11-21
183 浏览
尖沙咀一日游饮食之旅既终点站，就系黎呢度食晚餐啦。由于朋友一早讲左想食日本菜，所以就揾左呢度食晚饭。是日呢个晚饭都食得几早，我地六点几已经黎到，因为... 我要赶返屋企睇九姑娘 XD。六点几黎到都营业紧架啦，入到去见一个客都无，即刻安排左个卡位俾我地坐。坐左一阵见好似有D日本人坐系吧台食串烧(?)，陆陆续续都有D客人的，不过都几唔满下... 唔知系咪我地太早呢？呢度环境几舒服，坐卡位自成一角讲大声少少都得，无咩客所以唔惊嘈亲人=P。一坐前已经有个小前菜啦，之前讲过唔再饮酒既人竟然提出要饮Asahi... 两个人就一人叫左一杯细既。之后就开始叫野食啦，不过成日都不停食既我们是晚都叫左几多野食，食完朋友话十成饱㖞。朋友想食带子刺身，店员话 3 款拼盘都有的，所以最后我地叫左个最少的 樱 刺身拼盘，黎到有三文鱼，吞拿鱼，𫠒红鱼，带子同八爪鱼，唔算好丰富，不过基本上我地都好满意。刺身首先解冻得够，而且切得几厚身，唔会有冰碎加上鲜味十足，真系唔差的，起码无咩边款我觉得难食。带子最好味，因为鲜味好出呢。比起上次我去湾仔某食店... 连冰碎都食到... 真系.... 叫了几个小食，烧牛舌一客两串唔驶
尖沙咀一日游饮食之旅既终点站，就系黎呢度食晚餐啦。由于朋友一早讲左想食日本菜，所以就揾左呢度食晚饭。是日呢个晚饭都食得几早，我地六点几已经黎到，因为... 我要赶返屋企睇九姑娘 XD。
六点几黎到都营业紧架啦，入到去见一个客都无，即刻安排左个卡位俾我地坐。坐左一阵见好似有D日本人坐系吧台食串烧(?)，陆陆续续都有D客人的，不过都几唔满下... 唔知系咪我地太早呢？呢度环境几舒服，坐卡位自成一角讲大声少少都得，无咩客所以唔惊嘈亲人=P。
一坐前已经有个小前菜啦，之前讲过唔再饮酒既人竟然提出要饮Asahi... 两个人就一人叫左一杯细既。之后就开始叫野食啦，不过成日都不停食既我们是晚都叫左几多野食，食完朋友话十成饱㖞。
朋友想食带子刺身，店员话 3 款拼盘都有的，所以最后我地叫左个最少的 樱 刺身拼盘，黎到有三文鱼，吞拿鱼，𫠒红鱼，带子同八爪鱼，唔算好丰富，不过基本上我地都好满意。刺身首先解冻得够，而且切得几厚身，唔会有冰碎加上鲜味十足，真系唔差的，起码无咩边款我觉得难食。带子最好味，因为鲜味好出呢。比起上次我去湾仔某食店... 连冰碎都食到... 真系....
叫了几个小食，烧牛舌一客两串唔驶争，虽然大细有D不一，不过都好味。烧得香口又有汁，咬落几爽口而且又惹味，朋友都赞好食!
仲有叫左明太子鸡翼，又系两只鸡翼帮我地切好哂，呢度D食物好啱两个人分享。=) 鸡翼外皮咬落唔算香脆，但食落肉质够嫩滑，加埋辣辣地又咸香既明太子充满哂系中间，用黎送酒应该很适合吧。
吉列蚝一碟五只，大细适中，仲有几只酱俾你点，咬落热辣辣，而且好JUICY，要小心D，因为会俾D汁辣亲。唔算好大只，但都几新鲜。表面炸得松脆，炸粉唔会太厚，我就钟意点沙律酱食啦。
我地仲叫左我最最最钟意既西京烧银鳕鱼，由细到大都好钟意食! 一碟唔算好大件，真系唔多够呢! 不过呢度都整得好食，银鳕鱼食落肉质嫩滑，油润鲜甜，加上唔会过甜既西京味噌真系令我一吃再吃! I Love this one!
最后两个人仲好大食咁叫多个鳗鱼饭，食左少少朋友已叫饱，仲要我食埋佢! 不过咁多样反而觉得鳗鱼饭比较一般，鳗鱼不算特别肥美，味道一般。肉质不会过淋，重点系烧汁太少，要知呢个系食鳗鱼饭重要既一环黎架嘛~~
两个人坐左两个钟，就要赶住走因为要返屋企睇电视，不过总算系呢度为是日尖咀一日游画上满足既句号!! 朋友仲话下次同我出街要带定胃药啰，有无咁夸张呀？=))))
张贴
