Bella Vita (已結業)

之前有食过Lunch set，今日第一次去食晚餐，拣左Gourmet Dinner Menu。台与台之间唔会太近，有返D私人空间。点完菜就上左面包同黑松露牛油，有我最钟意既橄榄面包配埋黑松露牛油即刻开胃晒。呢个橄榄油同醋有得买返屋企，个醋比平时食既浓少少，带有甜味，怕酸既朋友可以一试。好快就上左前菜，我拣左炭烧八爪鱼配青苹果沙律。八爪鱼好易咬开，有炭烧味不过无㶶味青苹果甜甜地一D都唔酸Pasta就点左海胆Risotto配煎带子。浓郁既海胆味唔会腥，饭煮得刚好。带子好轻微咁煎一煎，平时好怕食太熟既带子，呢个刚刚好，好满意。之后就到我都几期待既香煎智利鲈鱼配南瓜蓉。有D餐厅火候拿捏得唔好一系个皮唔脆，一系就太熟。呢度就煎得啱啱好，个皮好脆又唔㶶，里面水份充足，唔会干晒，配埋既蔬菜鲜甜，非常满意。最后上埋甜品同咖啡／茶。甜品有tiramisu，加埋个雪糕食到好饱！满足的一餐。