Iberico & Co. (已結業)

近期多咗去元朗食饭，今日就黎到YOHO揾到一间半自助式晚餐，餐厅环境非常宽阔，好有情调，非常适合情侣撑枱脚，今日人数唔算多，黎到即刻有位坐，Set Dinner 都有8款菜式，只要惠顾Set dinner就可以免费享用自助冷盘、前菜和餐汤，加多35蚊就有Special Drink,再加30蚊重有甜品，我当然系叫Set啦，我叫左个和7成熟既牛西冷扒配薯条，之后就出自助Bar享用冷盘，款式虽然唔多但非常吸引，有虾、 长脚蟹、青口、沙律都有4款、火腿、南瓜汤等等.....我每野都试左，就最喜欢个蛋沙律....来回食左两转都已经6成饱主菜终于出场，卖相普通，但厨师煎扒手法果然厉害，刚刚好的7成牛有小小粉红，牛扒很多汁，入口非常惹味，口感丰富，无得弹.......薯条亦是即炸，咬落非常脆口！今晚10成满足咁完成左我既晚餐！