Coffee Jobs (已結業)

今日约了好朋友饭聚倾计, 她在旺角工作, 所以就系附近揾食, 行经广华医院附近既Coffee Jobs 见到佢门面都几靓吓, 好有文青feel，食物种类多, 相片食物又靓, 一于就入去试吓。睇睇menu先, 见到隔离台食”德国咸猪手”好大只, 卖相吸睛，所以都叫咗个来试吓， 再叫埋“南瓜芦笋大虾意大利饭”一齐share食。“德国咸猪手配薯角”真系大得有点夸张，二位女士都食唔晒。外皮烧到脆卜卜, 入面热辣辣有咸香，肉质嫩滑，非常好味。加埋薯角也炸得香脆，系一个很好的配搭。另外“南瓜芦笋大虾意大利饭”, 二只大虾新鲜弹牙，而且好入味，南瓜蓉已经溶入饭里面，意大利饭煮到烟烟韧韧，有咬口，湿润度合适，加埋芦笋粒和蕃茄仔就好健康啦!最后，我叫了杯Ice latte，咖啡味香浓，饮埋就觉得整个晚餐很满足了。餐厅虽然唔大，但楼底高，感觉舒舒服服，下次有机会都有再来。