Green Orange

去开上环总系想起Green Orange呢一间嘅晚餐，令人难忘的食材，环境好有情调，真系好适合二人世界，情侣，朋友嚟慢慢食慢慢享受嘅地方，侍应生又有礼貌。饮品~我哋选择咗饮品1664生啤和橙汁经典凯撒沙律~有四块巴马火腿，减减哋好好味，新鲜嘅沙律菜加上黑醋汁和松子，健康又好开胃。法式千层薯伴三文鱼籽~好精致呀，望得出师傅嘅手工，将薯仔层层叠，一层一层铺上去，外层好酥脆，内层就好嫩滑，再配埋大大粒嘅三文鱼子加埋精致嘅花朵和爆酱汁，入口好有惊喜呀。👍是日餐汤~甘笋汤望落去已经好creamy 汤好浓滑，有少少甜味，份量好丰富，真系食过不停，丰富好足料。推介👍烧长脚蟹配蟹膏忌廉汁意大利饭~长脚蟹入口蟹味香，意大利饭 juicy入口好creamy粒粒饭都被蟹膏忌廉汁锁住，有菇菌和芦笋配搭，食下食下又差不多食晒成个饭。推介👍烧BBQ美国猪肋骨~份量认真够，有六七条猪肋骨，伴碟配料都好丰富，大番茄西兰花一小碟腌青瓜和香脆薯条，猪肋骨肉汁好浓郁，烤得好香，入口好淋，真系好吸引。甜品~焙茶蕉糖炖蛋和 tiramisu~焙茶焦糖炖蛋，入口浓浓郁郁嘅焙茶风味，好滑，焦糖甜味啱啱好。tiramisu好大份啊！