影片
更多
2019-07-06
101 浏览
呢排一时劲热劲晒，一时落大雨，要出街做野都觉得有点辛苦。所以喺长沙湾一收工，就同拍档揾野食。见到呢间餐厅个样几舒服，而且我地仲早，无乜人，所以入去医下肚仔先～一坐低就发现要SCAN QR CODE，用自己部手机睇餐牌，呢样野都几新鲜。都好的，唔洗两个人，侧哂头咁睇一本餐牌，各自睇自己的手机就可以了～而且网页内的分类都几清楚。餐厅仲可以容易啲改动餐牌内容～我同朋友嗌左「日本刺身带子鲜黑松露意大利饭」同 「烟三文鱼烟肉刁草忌廉扁意粉」，各自加左$20转套餐，咁就包埋餐汤﹑餐饮同甜品。餐汤就系「忌廉甘笋汤」。个汤够哂浓郁幼滑，入面有粒粒甘笋，仲有阵阵甘笋的清香～我最钟意饮忌廉汤。「日本刺身带子鲜黑松露意大利饭」一上枱时真系香到震！黑松露的味简直系震慑我的嗅觉。一捞起佢，入面劲多芝士，好足料！食意大利饭虽然觉得有点腻，但入面爆多芝士真系好满足！所以两个人一齐食就岩哂！除左带子，里面仲有好多蘑菇同红椒碎。蘑菇都系新鲜的，唔系罐头，充满香气～ 香港人未必咁食惯意大利饭，因为佢比起我地平时食的米硬，食的时候唔好急要咬烂先好吞呀。「烟三文鱼烟肉刁草忌廉扁意粉」睇落份量唔大，但食落都好大碟同饱。忌廉一样
所以喺长沙湾一收工，就同拍档揾野食。见到呢间餐厅个样几舒服，而且我地仲早，无乜人，所以入去医下肚仔先～
一坐低就发现要SCAN QR CODE，用自己部手机睇餐牌，呢样野都几新鲜。都好的，唔洗两个人，侧哂头咁睇一本餐牌，各自睇自己的手机就可以了～而且网页内的分类都几清楚。餐厅仲可以容易啲改动餐牌内容～
我同朋友嗌左「日本刺身带子鲜黑松露意大利饭」同 「烟三文鱼烟肉刁草忌廉扁意粉」，各自加左$20转套餐，咁就包埋餐汤﹑餐饮同甜品。
餐汤就系「忌廉甘笋汤」。个汤够哂浓郁幼滑，入面有粒粒甘笋，仲有阵阵甘笋的清香～我最钟意饮忌廉汤。
「日本刺身带子鲜黑松露意大利饭」一上枱时真系香到震！黑松露的味简直系震慑我的嗅觉。一捞起佢，入面劲多芝士，好足料！食意大利饭虽然觉得有点腻，但入面爆多芝士真系好满足！所以两个人一齐食就岩哂！除左带子，里面仲有好多蘑菇同红椒碎。蘑菇都系新鲜的，唔系罐头，充满香气～ 香港人未必咁食惯意大利饭，因为佢比起我地平时食的米硬，食的时候唔好急要咬烂先好吞呀。
「烟三文鱼烟肉刁草忌廉扁意粉」睇落份量唔大，但食落都好大碟同饱。忌廉一样好幼滑好香浓，加埋有爆过的洋葱同烟肉，真系好香！岩哂我呢啲中意食忌廉的人！
食完主菜就食个甜品「士多啤梨芝士蛋糕」。里面真系有粒粒士多啤梨，芝士蛋糕够哂实净，好足秤，好creamy，又唔会好甜！食埋个甜品真系好满足呀！
餐饮方面，我同朋友嗌左冻饮，都无俾饮管我地，呢度系无饮管餐厅嘛。要饮管就问店员拎。无问题啦，大家成年人，悭番啲胶，就咁饮就OK啦!
题外话，我地坐到七点几时开始多人，仲见枱枱都叫牛肉，真系好大份好香，仲有好多薯条。但我同朋友都唔食牛肉的，就无缘啦！
烟三文鱼烟肉刁草忌廉扁意粉
$118
15 浏览
0 赞好
0 留言
日本刺身带子鲜黑松露意大利饭
$148
6 浏览
0 赞好
0 留言
甘笋忌廉汤
7 浏览
0 赞好
0 留言
士多啤梨芝士蛋糕
5 浏览
0 赞好
0 留言
张贴
