Plato Cafe & Bistro (吳松街)

以下介绍喺佐敦的西餐厅 “Plato Cafe & Bistro” 的美食，希望大家去试试，亲身感受吓真正的满足。Bistro 地方颇大，有两层，坐得舒适。点咗个$588嘅套餐，先有罗宋汤及面包，接住系意式海鲜沙律，材料颇多，有大虾、鱿鱼圈、鱿鱼须及青口，配以特制嘅甜甜酸酸沙律汁，非常醒神开胃，系非常好的前菜。再有黑松露野菌意大利饭，饭粒软硬适中，粒粒分明，被野菌及黑松露包住，每口充满 松露幽香，一试停不了。之后要等待烤到五成熟嘅澳洲M5和牛肉眼扒 ，足足有12安士重，火候啱啱好，肉质鲜嫩，牛肉味浓，冇渣又冇筋，啖啖牛肉喺嘴里渗出令人回味再回味的感觉，跟埋幼滑薯蓉，更加饱足。餐饮点咗个Oreo奶昔，质感厚身，Oreo味浓，加上香滑忌廉，互相配合。惊喜还在后面，端上来的甜品朱古力焦糖蛋糕配意大利雪糕 ，造型卖相好吸引，意大利雪糕独有嘅柔韧，既滋味又香甜，加上忌廉及朱古力蛋糕三合一，融为一体，谁也挡不了。以上所有食物的质量应该令人感觉大满足吧！