Sky726

今日同阿姨佢哋庆祝生日，我上网见呢间野嘅环境几好，就同佢哋喺依度食brunch。我哋叫咗啲沙律、main dish、意粉同甜品share。沙律方面，我哋叫咗个香芒虾肉沙律。佢啲芒果都几新鲜几甜，而且啲虾都几大只，同埋佢啲沙律菜捞埋啲醋食酸酸甜甜好好食！我哋见到Menu有个手卷意粉几得意，就叫左嚟食。佢系配野菌同埋辣肉肠，卖相真系好靓，d意粉真系手工制整到一细卷咁，配个野菌同辣肉肠都好入味！跟住我哋叫咗个慢煮黑毛猪鞍扒，佢肥肉唔多，我好少咁钟意食猪，但系佢真系因为系慢煮所以煮得好淋而且啲肉又好有口感，再配埋佢个牛肝菌将食，味道一流！最后我哋叫咗个比利时窝夫，佢个士多啤梨酱好浓郁，真材实料，配埋啲香蕉同埋cream同waffle食一定系享受！