牧羊少年咖啡館 (屯門市廣場1期)

营业中

休息中

闲日11点半左右帮衬牧羊少年，唔算多人。比起星期六日及公众假期时大排长龙，排一个钟食一个钟既话，闲日来牧羊真系一个好选择。入座计时1小时45分钟，都够时间。点了英式all day, 餐汤及饮品，$118 另加一。老实价钱中规中矩，以佢既份量计唔系平但都唔叫偏贵。英式早餐，作为all day breakfast, 炒蛋是灵魂。牧羊少年嘅炒蛋够滑，面上加咗一层黑松露酱，味道多了点层次，唔会只有蛋味，有黑松露点缀。佢既多士唔系普通白面包，而系杂锦果仁加干果。多士入口外脆内软系基本，难得既系干果有提子干同埋杏脯肉，面包本身有啲咸味，配上杏脯肉平衡左呢两种嘅味道，令到多士唔再系配角。香肠及烟三文鱼，都明白系食品商既来货，所以都无咩要求，正常味道。最后来一杯热咖啡，如果美式咖啡可以另外配奶就好。因为个人偏好先饮半杯黑咖啡，剩下半杯加入奶，一杯咖啡可以有两种味道享受，先叫识叹咖啡。