Nico's Spuntino Bar and Restaurant (已結業)

今次系团购优惠，$128+$13service charge嘅半自助lunch buffet。以呢个价钱可以喺soho区食semi lunch buffet 确系抵。呢度环境舒适，绝对系享受weekend嘅好开始XP。任食嘅系头盘同沙律，选择唔算少，食齐其实已经有啲饱。食物嘅卖相好吸引，而且亦几特别。有一款好似pizza咁，但应该系茄子，整得好爽，好好食。而Ham同沙律有好几款供选择。主菜每人可以拣1个份。我哋拣咗猪扒配薯条同辣肉肠pizza。主菜份量大，而且卖相亦好吸引，绝冇因为系团购而欺场。猪扒炸得脆口，肉质松软，但薯条就麻麻，唔够脆，好快就淋哂。Pizza方面，芝士同肠份量适中，味道唔错。因为饼底好薄，所以唔会太滞。至于甜品，可于buffet枱任选，都有5-6款选择。但我就觉得略甜咗啲，所以每件只系试咗少少。虽然限时90分钟，但已相当足够，好满足。其实呢度正价menu都唔算太贵，绝对可以encore。