Rimi Cafe (已結業)

揾咗旺角一间黄色cafe同好姊妹相聚，虽然环境唔系好大好靓，仲有啲旧，不过食物质素同价钱，都真系好值得推介比大家！真系好钟意食热气嘢！唔系间间餐厅都会做薯角，所以通常有的话都会叫薯角食！新鲜炸起真系不得了！仲有好耐无食既咖喱角，仲有甜酸酱配嚟食！最啱一路食一路倾！呃自己叫啲菇无咁热气先，牛油杂菌一般无咩难度，正常！反而呢个猪肋骨真系要推介，佢系原块上要自己切开既，但无谂过咁大块只系卖百几蚊！而且仲要好食架㖞！骨又唔系大，仲啖啖肉，味道浓但又唔算咸，真系觉得非常低食，如果一个人食净系呢份都会好饱了！因为佢都有啲薯菜同沙律菜，好抵食！而成餐饭都系期待住呢个芝士奶盖阿华田！（少有用阿华田呢！）估唔到小小cafe有咁多款式既芝士奶盖选择（可惜唔记得咗影Menu）厚厚既芝士奶盖又邪恶又creamy，真系唔舍得饮晒！而阿华田浓度适中，好怕啲餐厅开到好稀（明明阿华田都系冲架啫，啲粉好贵？），呢度夹到个奶盖，配埋食物大满足！