蛇膠參滋補專門店

营业中

休息中

抓住冬天嘅尾巴，今日冻返啲同老婆去食蛇羹。嗌咗个二人餐，份量好多，几乎食唔晒，捧住个肚返屋企。 ✦ 脆鱼皮整返热先上枱，唔重油味，有鱼香。 ✦ 秘制太史五蛇羹材量丰富，除咗蛇肉，仲有木耳、冬菇、鸡肉、瘦肉、姜丝等，啖啖都有咬口。浓度适中，唔太杰唔太稀。底层有胡椒味，加埋蛇肉恒气活血，好暖肚。 ✦ 花菇扣原条海参/ 花菇扣水鱼裙边鲍汁浓郁，慢火焖煮，入晒味。两味都极重骨胶原，个人喜欢海参嘅滑溜口感、近乎入口即溶，老婆钟意水鱼裙边较为爽弹。 ✦ 淮山杞子炖水鱼汤/ 土伏零蛇龟汤大赞水鱼汤，淮山健脾补肾、水鱼滋阴养血，唔入厨嘅人应该唔知水鱼有几难处理，餐厅处理得非常好，干净、保留味道。土伏零蛇龟汤解毒清热，比较浓郁，几甜。 ✦ 龙趸头腩煲仔饭/ 无激素鸡煲仔饭龙趸头腩又系另一道充满骨胶原嘅菜式，份量非常多，鱼皮嫩滑、鱼味香浓、毫无腥味。无激素鸡滑溜、厚肉、有咬口。 ✦ 椰汁炖雪燕食到呢到已经好饱济，食返个冰冻甜品，少甜、满足。 咁样食法先三旧几水，好抵食。