螢火

之前同朋友去咗尖沙咀嘅萤火，享受咗一餐高质嘅铁板烧！餐厅喺尖东𠮶边，环境都几大，分咗一边食铁板烧，一边食omakase，另外仲有几间专for铁板烧嘅房间。点餐后职员话可以喺Ipad写低愿望或祝福语放天灯，几特别，写完就喺大萤幕放出嚟😆早知写靓啲~今次4个人，叫咗两个二人前，分别系龙虾同鲍鱼，每位$1190！晚市铁板烧都可以免费任饮清酒2小时(午市铁板烧都有1.5小时)，仲送海胆杯添🤤先上清酒，海胆杯，再食埋黑鱼子鹅肝蒸蛋，就真正开始铁板烧！我嘅系南非鲍鱼，配海苔汁，鲍鱼好鲜嫩，点埋黑松露酱更香，面头加咗三文鱼子更显矜贵。龙虾都好新鲜，又大只，啖啖肉好有满足感~清酒煮蚬有惊喜，蚬肉十分肥美，而且汤汁都好甜，我好少可会饮晒成碗都觉得意犹未尽😆鹅肝多士嘅焦糖味啱啱好，鹅肝香得嚟唔会太油腻，师傅教食到最后可以咬少少青柠汁~令感觉更爽！汁煮白鳕鱼摆盘好靓，用煎脆咗嘅鱼皮插喺中间，好似鱼鮨浮喺水中央🐠鱼肉够嫩，同洋葱汤原来都好夹！日本黑豚肉好有特式，用咗西式嘅木熏方法，以樱花木熏烧，所以食落除咗豚肉嘅香味，另外亦带有少少清香🌸薄烧A5和牛，包住香葱同炸蒜，够晒香口！食完肉都几饱了，不过樱花虾炒饭又